Corpus Van Reenen-Mulder (CRM14): Oorkonde H036p36204

WJE jacob van bernem Ende joeris de maetsenare Scepenen . . Jn brucghe in dien tiden dat dese dinghen voor ons waren ghedaen doen te wetene allen den ghuenen die dese letteren zullen zien jof horen lesen dat camen voor ons alse voor scepenen gheraerd willems zuene vten waerde ende lisebette sijn wijf ende gauen vp boudinne den Rel al de zelue macht ende al dat zelue Recht dat hie adde jof hebben mochte an desen ersten saerter duer de~welke dese laeste jeghewerdichie saerter ghesteken es ende an~hanghet ende gheraerd willems zuene vten waer? ende lisebette siin wijf vors_ die wedden ende belouen boudinne den Rel vors_ dese vors_ macht van den vors_ hersten sa?tere te wetten te waerne ende te warenderne teghen elken te boudins Rels vors_ vrien eghindom_e te? elken mensche jn kenness_ van desen dinghen hebben wie scepen_ vors_ desen l_ren vuthanghende bezeghelt met onsen zeghelen dit was ghedaen vpten neghensten dach van october anno d_ni M˚ ccc˚ twe ende tsestich - -