Corpus Van Reenen-Mulder (CRM14): Oorkonde H036p36301

WJE Jacob baue / Ende jacob plachier Schepenen jn brucghe in dien tiden dat dese dinghen vor ons waren ghedaen . doen te wetene allen den ghonen die dese lettren zullen zien jof horen lesen . Dat Cam vor ons als vor scepenen thomaes van den bussche . Ende kennede en_ verlijede dat hie ontfanghen heuet van Mattheeuse v? Rijssele . dan handscoewerkere . zeuene en_ twintich goudine peneghen / die men heet scilden . De~welke thamboc? van den handscoewerkers schuldich waren gillis van den zwane jn sijn laetste lijf . van den~welken vors_ pe?ghen thomaes van den bussche vors_ aldaer wel ghepaijt hilt en_ den vors_ hambochte ghemeenlike der of quit? scalt en_ hie wedde en_ belouede hem dan + of scadeloos te houden en_ te quitene tieghen elken meinsche jn ken?sen van desen dinghen hebben wie scepenen vors_ dese l_re hutehanghende bezeghelt met onsen zeghelen . Dit was ghedaen vp den drien en_ twintichsten dach van october / anno d_ni . M . + CCC . + drie en_ tsestich /