Corpus Van Reenen-Mulder (CRM14): Oorkonde H036p37001

WJE jan walkier gheraerd van + den moere . Eueraerd goederic . michiel van assenede Sheer michiels zuene Ende jacop van Rucelede . ScepeneN jn Brucghe in dien tiden dat dese dinghen voor ons waren ghedaen . doen te wetene allen den ghuenen die dese l_ren zullen zien jof horen lesen . Dat Camen voor ons alse voor scepenen g? hoste f_ S_e jans ende jacob van ghend f_ Symoens vogheden van menkine van gillekine ende van hannekine bertholmeus kindren van + den walle f_ S_e gillis f_ S_e bertholmeus de~welke ? hadde bi joncvrauwe jehanen zinen wiue . Ende ghauen halm en_ wettelike ghifte alse vogheden ou_ de vorseide kindren bi concente ende ottroye van + den ghemenen h?pe van scepen? alse bi + den ghuenen die ouervogheden zijn van weesen der vors_ joncvrauwe jehanen bertholmeus wedue van + den walle . van viue ponden par_ eerueliker Renten siaers an + de stede van Br?ghe . de~welke vors_ Rente den vors_ kindren verstaerf ghebuerde ende toequam van bertholmeus dood van + den walle vorseid haers vader . Ende de vors_ vogheden alse vogheden en_ de ? kindren . wedden en_ beloueden der vors_ joncvrauwe jehanen bertholmeus wedue van + den walle dese vors_ viue ponden par_ eerueliker Renten elkes siaers an + de vors_ stede van brucg? ghelike dat vors_ es . te wetten te waerne ende te waranderne te haren vrijen Eyghindo_me joncvrauwe jeha_ne vors_ jeghen elken meinsche . jn kenness_ van desen dinghen hebben wie ?penen vors_ dese l_ren huuthangh_ beseghelt met onsen zeghelen dit was ghedaen jnt jaer . ons h_en . M˚ . + ccc˚ en_ tseuentich vpte_ zesten dach van ougst -