Corpus Van Reenen-Mulder (CRM14): Oorkonde H036p37002

WJE Tideman van + den berghe clais van zantuoorde gheraerd van + den moere Michiel van assenede ende jacob van Rucelede scepe_ Jn brucghe in dien tiden doen te weiten allen den Ghonen die dese l_ren zullen zien af horen lesen Dat wij waren te~jeighenwoorden als scepenen . jn ghebanre vierscare vp enen wetteliken dinghe~dach daer der jacob Mommaert ende der eueraerd goedric verkenneden bi haren ede dat zij aldaer ghesijn hadde_ ende der ouer gheroupen waren als scepenen vp den zeuensten dach van decembre anno d_ni . M . + ccc ende tseuentich . jn de bruxsce vierscare . daer gillis van + den walle f_ sher pieters daer wettelike deide aresteren metten here ende metter wet . Onder den here philips Rijnvissche ende den here . janne van aertrike als tresoriers van + der stede van brucghe te dien tiden . dewelke aldaer voor + hoghen stonden . viue ponden paris_ erueliker Renten elkes . jaers . die jan de vat f_ jacobs . Jaerlijx heuet vp de voors_ steide . van brucghe Met honderd viere waeruen twintich dartiene ponde_ ende tiene sceleghen paris_ dewelke de voors_ tresoriers aldaer kenden dat men hem tachtere es van + der voors_ Rente . Als ouer achtiene ponden groten tornois_ ywedder sculd . daer of dat gillis van + den . walle . voors_ . janne den vat . wettelike ghepand heuet behouden allen Rechte Ende aldaer zo stond voor + hoghen ende . jn pu_te gillis van + den walle voors_ ende toghede dat de kennesse van den voors_ areste met hem bleiuen @ ware . ende begherde dat men tvoors_ arreest dade ghebieden te wetten te lossene . Ende naer den betoghe ende begherte van gillise van + den walle voors_ . zo was aldaer tvoors_ arreest gheboden te wetten bi maninghe van + den here ende bi wijsdomme van scepenen den voors_ . janne den vat . ouer de voors_ somme van peneghen te lossen binnen viertich daghen naest commende Met vijf peneghen paris_ van ghebode af men ne verandwordets nummerme behouden allen Rechte . . jn kenness_ van desen dinghen hebben wij scepenen voors_ dese l_ren huuthanghende beseghelt met ons_ zeglen dit . was ghedaen jnt jaer M + . ccc + . ende + . tseuentich . vp den neghentiensten dach . van decembre