Corpus Van Reenen-Mulder (CRM14): Oorkonde H036p37101

WJE tideman van + den berghe jan de Rode . jacob van berneem . jan walkier ende jacob van Ruusselede scepen_ jn brucghe in dien tiden doen te weitene allen den ghuenen die dese l_ren zullen zien af horen lesen . Dat Cam voor ons als voor scepenen . Joncvrauwe . Jehane bertelmeeus weduwe van + den walle f_ sher gillis f_ sher bertelmeeus Ende gaf vp ende drouch jn handen den here philpse Rijnvisch ende den here . janne van aertrike als tresoriers van + der stede van brucghe te dien tiden . ter voors_ steide bouf . al de zelue macht ende Rechte die zoe hadde af hebben mochte an desen eersten chaertere ende an al dies hi verclaerst ende jnhoud duere den~welken dese laetste jeighenwoordighe chaertere anhanghet ende ghesteiken es . Ende joncvrauwe jehane bertelmeeus weduwe van + de_ walle voors_ . wedde ende belouede den voors_ tresoriers ter voorseider steide bouf dese voors_ macht ende Recht van + den voors_ eersten chaertere te wetten te waerne ende te warandeirne ter voors_ steide vryen eghindomme . jeighen elken mensche . . jn kenness_ van desen dinghen hebben wij . scepenen voors_ dese l_ren huuthanghende beseghelt met ons_ zeiglen dit was ghedaen . jnt jaer . M . + ccc . + ende tseuentich vp den dartichste_ dach van sporkele