Corpus Van Reenen-Mulder (CRM14): Oorkonde H036p37302

Wie . . Jacob de visch Ende . . Roeland puppe . . Scepenen in brucghe in dien tiden doen te wetene allen den ghuenen die dese letteren zullen zien af horen lesen Dat . . Camen voor ons alse voor scepenen . . willem de meyere ende ver + lisebette zijn wijf ende gauen halm ende wettelike ghifte . . broeder pieter den weese vpper~meester van den couente van den begaerden binnen der stede van brucghe . . te dien tiden . ende broeder Jacob van ghistele ondermeester van + den voors_ couent ten zeluen tiden tsuorseids couents bouf van viue cameren te~gader staende bachten leffinghe~muere Jeghen den houc van den voors_ muere ouer / naeste pieter haluerix huse bachten den voors_ viue cameren met ghemeenen weghen vp Joncvrauwe marien land van mee?keerk wilen was . . Ende willem de meyere ende ver + lisebette zijn wijf voorseid wedden ende beloueden den vorseiden meesters tsuors_ couents bouf dese voorseide cameren staende ter voorseider stede in der manieren dat voorseid te wetten te waerne ende te warendeerne met al datten voorseiden . . cameren toebehoord voren bachten an allen ziden Eeruast ende nagheluast der an es tsuorseids couents vryen eghindomme Jeghen elken meinsche . . metten Rechten landcheinse diere Jaerlijcs vte gaed . . jn kennessen van desen dinghen hebben wie scepenen voorseid dese l_ren huuthanghende bezeghelt met onsen zeghelen dit was ghedaen int jaer M + . ccc + . drie ende tseuentich vpten . . zestiensten dach van december