Corpus Van Reenen-Mulder (CRM14): Oorkonde H036p37401

Wie pauwels scuwing en_ jan de muntere scepen_ Jn brucghe in + dien tiden doen te wetene allen lieden dat camen voor ons als voor scepen_ jan pierin en_ jan hardvuust vors_ pieters aeldinghers en_ deelnemers in de versteruenesse van Adelisen dood vten brouke ouer hemliede_ en_ ouer alle die ? die midsgaders hamlude_ aeldinghers wesen Mueghen in + de vors_ versteruenesse dewelke zij aldaer veruinghe_ en_ scolden quite broeder janne van scieruelde en_ broeder pieter de_ weese meesters van + de_ conuente dat me_ heet te_ zuudwerue staende in de gans~strate en_ hem allen die quitanche der of atouchiert van alle den goede dat de vors_ meesters iof yemen van haren weghe in handen ghehad mochten hebben der vors_ adelisen toebehorende ten tiden dat zoe leuede de~welke wilen wuenende was int vors_ conue_t En_ voord van alle_ e?schen sculden en_ calaenge_ tote den daghe van heden in so wat manieren dat mach zijn Jn kennessen van d?sen dinghen hebben wie scepen_ vors_ dese l_ren huuthanghende beseghelt met onsen zeghelen dit was ghedaen vpten twalefsten dach van septemb_ Anno d_ni . M + . ccc viere en_ tseuentich