Corpus Van Reenen-Mulder (CRM14): Oorkonde H036p37502

Wie Jacob Metten eye f_ sher Jacobs Ende jacob de smit scepe_ in brucghe in dien tiden dat dese dinghen voor ons ware_ ghedaen doen te wetene allen den ghuene_ die dese lettere_ sullen sien iof horen lesen . dat Came_ voor ons als voor scepen_ Clais van zierixee ende Clare zijn wijf Ende gauen halm ende wettelike ghifte . broeder Nichasis den wulf scouents bouf van den bagaerden in brucghe van Enen huus dat men heet Ene dwersloue met datter toe + behoort staende in s_e Jans Maraels strate an die west~zide van der voorseider straten . naesten Jacobs zeghaerds huus wil? was af een zide Ende Joncvrauwen katelinen weghebroets huus wilen was af ander zide . vp Jancvrauwen truden land wijlen was van den walle Ende Clais van zierixee ende clare zijn wijf vorseid wedden aldaer ende beloue? den voorseide_ nichasis de_ wulf broeder svorseits Couents bouf van den bagaerden in brucghe dit vorseide huus da? men heet Ene dwelsloue al staende ter vorseider stede ghelijc dat vorseit es te wetten te waerne en_ te warandeerne met al datten vorseide_ huus dat men heet Ene dwersloue toebehoort vore_ bachten an allen ziden aerduast e? nagheluast der an es tsvorseits couents van den bagaerden vryen eghindo_me tieghen elken meinsche Met zeu? sceleghen ende zes pen_ par_ tvorseide huus dat me_ heet ene dwersloue gheldende Jaerlijx ten rechten landchei? Jn kenness_ van desen dinghen so hebben wie scepen_ vorseit dese l_ren huuthanghende beseghelt met onsen seghelen di? was ghedaen int jaer . M . + ccc + . viue ende tseuentich vpten zeuentiensten dach van decembre