Corpus Van Reenen-Mulder (CRM14): Oorkonde H036p37801

WJE Jacob mo_maerd En_ jan van biervliet scepen_ Jn brucghe in dien tiden dat dese dinghen voor ons waren ghedaen doen te wetene allen den guenen die dese lettren zullen zien Jof horen lesen Dat Cam voor ons als voor scepenen . Joncvrouwe kateli? nachtegaels de beghine Ende gaf vp ende drouch in handen broeder pieter den wese / als vpper~meester wesende in dien tiden / van den couente van den bagaerden in brucghe / tsuorseids couents bouf / tsuorseids couents vryen eghindo_me / Ende ouer tsuorseids couents vrye eighin goed / al de zelue macht ende al dat zelue Recht dat zoe hadde Jof hebben mochte an an desen eersten chaerter van bezettinghe_ ende an al dies hij verclaerst mentioen maect ende in~houd duer den~welken dese laetste jeghenwoordighe chaerter / van machten ghesteken es ende an~hanghet / Ende Joncvrouwe kateline nachtegaels vors_ wede aldaer ende belouede den voors_ broeder pieter den weese tsuorseids couents bouf / dese voorseide macht ende Recht te wette_ te waerne ende te warandeerne ewelike tallen daghen tieghen elken meinssche Jn kennessen van desen dinghen so hebben wij scepenen vors_ / dese lettren huuthanghende bezeghelt met onsen zeghelen / Djt was ghedaen jnt jaer dusentich + drie honderd zeuene ende tseuentich vp den zestiensten dach van laumaend