Corpus Van Reenen-Mulder (CRM14): Oorkonde H036p38101

WJE Bourghmeesters Scepenen ende Raed van + der stede van Brucghe . Doen te wetene allen den ghenen die dese l_ren zullen zien jof horen les? ? wij anesiende den groten cost ende last die de vors_ stede langhen tijt ghehadt heift ende daghelix hebbende es in menigher diuerser manieren . z? (onleesbaar) niet vermach van haer zeluen de zware en_ grote costen ghedraghen die daghelix gheuallen zijn ende al nv wesen moeten ter ere van onsen g? prinche ten behoude van zinen goeden lieden van ziere stede van brucghe en_ van zinen ghemeenen lande hem wel jonnende / noch oec den scotters (onleesbaar) (onleesbaar) in desen jeghenwordighen tijt te versiene van haren paruren ter feesten van + den o_meganghe also zoe menich jaer ter eere van + der stede gheplog? (onleesbaar) te doene . hebben ghewilcuert ende gheconsenteirt wilcueren ende consenteren ouer ons ende ouer onse naerco_mers den here Jacoppe den visch ? (onleesbaar) pietre van oestbuerch / den here franchoise van zinghene . den here Ja_ne den ketelare / Jacoppe van aertrike / Ja_ne van + der steenbrucghe / Maertine den ? boudine van + der mascht / Ja_ne den caestickere ende Ja_ne moreel / af den zessen van hemlieden in de name van al den ghemeenen van + den scott_s / (onleesbaar) (onleesbaar) vors_ scott_s bouf / Mids dien dat zij onderstaen hebben ende tlast ghenomen te versiene te deser toeco_mender feesten van + den o_meganghe de pa? frocken ten vors_ scott_s bouf ten coste ende ten laste van + den scott_s vors_ van dat hemlieden bi onsen vorsaten gheconsenteirt was / te heffene (onleesbaar) assise van + den hoppenbiere also de l_ren te vullen verclaersen diere af ghemaect zijn . in minderinghe ende paiemente van dat de vors_ stede (onleesbaar) sculdich was en_ es . dat te ontfanghene en_ te Regierne also zij ghedaen hebben toten daghe van heden . ende daer toe mede ontfanghen bi hemli? dat de vors_ paruren ghecost zullen hebben . dat zij dan voort~an vallen en_ bliuen zullen in haerlieder vors_ ontfanc na den teneur van ha? l_ren toter tijt en_ der wilen dat zij van + den haren beede van paruren en_ saute vulco_melike van al tal vernought en_ betaelt zullen wesen van welken dinghen hebben wij dese l_ren beseghelt vuthanghende metten zeghele van + der vors_ stede van brucghe . dit was ghedaen int Jaer ons ? ? . + CCC . + een en_ tachtentich vpten twintichsten dach van aprille - - - - -