Corpus Van Reenen-Mulder (CRM14): Oorkonde H036p38102

Wie pieter van oostbuerch ende zegher honin Scepen_ Jn brucghe in dien tiden dat dese dinghen voor ons waren ghedaen doen te wetene allen lieden dat cam voor ons Als voor scepen_ Jan van + der meersch f_ Symoens ende kateline zijn wijf Ende gauen halm ende wettelike ghifte broeder pieter den weese ende broeder nicasus den wulf beede broeders van + der darder hordine van enen huus staende in den custincwech an de westzide van der strate vp den noordoost~houc van + der sceltstrate naesten haerlieder huus die van den becgaerden ?n den vors_ cuertrijcwech af een zide / ende Jan pitackers huus in de vors_ sceltstrate af ander zide vp sabts ende scouents land van + den eechoute Ende Jan van den meersch ende kateline zijn wijf vorseit wedden ende beloueden den vors_ broeder pieter den weese ende broeder nicasus den wulf dit vors_ huus staende ter vors_ stede ghelike dat vorseit es te wetten te waerne ende te warandeerne met al dat den vors_ huus toebehoord voren bachten en_ an allen ziden eertvast en_ nagheluast der aues te haerlieder vrije eghindo_me broeder pieters en_ broeder nicasus vors_ tieghen elken meinsche met achte sceleghen parisisen siaers vten vors_ huus gaende ten rechten landcheinse , Jn kennessen van desen dinghen hebben wie scepen_ huuthanghende beseghelt met onsen zeghelen dit was ghedaen jnt jaer . M . + ccc . + een en_ tachtentich vpten achtiensten dach van ougstmaend -