Corpus Van Reenen-Mulder (CRM14): Oorkonde H036p38301

Wie zegher honin ende Tydeman van den berghe Scepenen . Jn Brucghe in dien tiden doen te wetene allen den ghuenen die dese l_ren zullen zien af horen lesen dat Camen voor ons alse voor scepenen willem f_ jans ende kateline zijn wijf en_ gauem halm en_ wettelike ghifte pietre van Roesselare ter stede bouf van brucghe . van enen huus staende in de cupe an de speye~poorte . vpter stede land van brucghe . Ende willem f_ jans ende ver kateline zijn wijf voors_ wedden ende beloueden den voors_ pietre van Roesselare ter stede bouf van brucghe voors_ dit voorseide huus staende ter voors_ stede in der manieren dat voors_ es te wetten te waerne en_ te warendeerne met al datten voors_ huus toebehoord vooren bachten an allen ziden eerduast ende nagheluast der an es . ter stede . bouf van brucghe voors_ vrien eghindomme jeghen elken meinsche met viere ende viertich sceleghen . parisisen huute den voors_ huus elkes jaers gaende ten Rechten landcheinse . Jn kennessen van desen dinghen hebben wie scepenen voors_ dese l_ren huuthanghende bezeghelt met onsen zeghelen dit was ghedaen int jaer . M . + ccc˚ + . drie ende tachtentich vpten viertiensten dach van . nouember