Corpus Van Reenen-Mulder (CRM14): Oorkonde H036p38502

WIE ghiselbrecht van + den weghe en_ jan danneels scepenen jn brucghe in dien tiden doen te wetene allen lieden dat Cam vor ons alse vor scepenen jan f_ clais kennede en_ verliede dat hi ontfanghen heuet van claijs den buc betalende in de name en_ ou_ wille_me vryzele de aertchier twintich sceleg_ grot_ torn_ dewelke willem vors_ tachter en_ sculdich es den vors_ janne f_ clais van costen en_ van ziere teringhe van + den welken vors_ so_me jan f_ clais vors_ hem wel ghepaeyt houd en_ den vors_ claise den buc En_ wille_me vryzele der of quite scalt en_ wedde en_ belouede den vors_ claise den buc scadeloos te houdene en_ al scadeloos te quitene jeghen wille_me vryzele vors_ en_ vort jeg_ elken (onleesbaar) (onleesbaar) Jn kenness_ van desen dinghen hebben wij scepen_ vors_ dese l_ren vuthanghende bezeghelt met onsen Seghelen Dit was ghedaen jnt jaer M ccc viue en_ tachtentich vpten zeuen en_ twintichsten dach van nouembre