Corpus Van Reenen-Mulder (CRM14): Oorkonde H036p38901

Kenlijc zij allen lieden dat Jc france de hamer kenne en_ lye dat Jc ontfanghen hebbe Bi der han? van den her niclais baerbesaen drie ponden gro_ tornoy_ in minderinghen van Tween ende dertich ponden gro_ tornoysen die de stede van brucghe minen wiue sculdich en_ Tachter was Van welken vors_ drien ponden gro_ tornoy_ ic mi betaelt en_ vernought houde en_ Clais baerbesane vors_ hier of quite scelde en_ alle de ghuene dies quitancij sculdich sij_ te hebbene Jn kennessen der waerheiden so hebbe ic france vors_ dese l_ren bezeghelt met mine_ zeghele vuthanghende dit was ghedaen int Jaer ons heren . M . + CCC . + neghene en_ Tachtentich vpten dertichsten dach van december .