Corpus Van Reenen-Mulder (CRM14): Oorkonde H036p39102

Cond ende kenlijc zij allen lieden dat jc gheraerd machet ontfanghen hebbe van pieter adoren ende van pieter den heict te dien tiden tresoriers van der stede van brugghe De somme van . viere . pond . viertiene . scellinghe ende achte pe_ninghe grote ouds ghelts als in vulre betalinghe van al dat mi de vorseide stede sculdich bleef in de rekeninghe_ jacop sheicx ende wouter coopmans van den jaren . lxxxiiij . lxxxv . en_ . lxxxvj . van dat jc doe onthouden was in de wedden van der vorseider stede Van welker vorseider somme van . iiij . _ . xiiij . s_ en_ . viij . d_ gro_ . jc mi wel ghepait houde ende scelde daer of quite den vorseiden tresor_s in de name van der vorseider stede ende voord van allen heeschen en_ calaingen tote den daghe van hede_ co_mende en_ sprutende vten ocoisoene van den vorseide_ wedden in zo wat maniere_ dat wesen mach . jn kennessen der waerheden dese l_re bezeghelt met minen zeghele vuthanghende Ghedaen jnt jaer ons heeren . M . + CCC + . een . + ende + . tneghentich vp den . xvisten . dach in wedemaend