Corpus Van Reenen-Mulder (CRM14): Oorkonde H036p39201

Wij Buerchmeest_s Scepenen ende Raed van der stede van brucghe Doen te wetene allen lieden / Dat wij Jn den name van + d_ voors_ ste? Sculdich zijn ver + marien . willems weduwe van + der haghe / de so_me van viertiene ponden / grot_ tornoysen houder sculd den vlaemschen nobel Jn payemente gherekent ou_ achte sceleghen ende zesse pen_ grot_ tornoysen / Co_mende van Eenen cope van lakene ghecocht Jn tiden verled? ter voorseider stede bouf / bi den h_ Joris wandelaerd als tresorier / te dien tiden van + d_ stede voors_ Jeghen pauwels van passchendale . . van der~w? voors_ so_me van pen_ wij ghelooft hebben Jn den name van der voors_ stede ende al noch ghelouen der voors_ ver + marien willems weduwe van d? haghe te gheldene ende te betaelne / twintich sceleghen grot_ torn_ / te medewintre die nv Eerst comd / twintich sceleghen grot_ tornoys_ te ? Jans daghe mids~Som_s daer naer Eerst co_mende / Ende also voord telken medewint_e ende telken sinte Jans daghe mids~? Jn elc Jaer ? co_mende te gheldene en_ te betaelne twintich sceleghen grot_ tornoysen tote der tijt ende der wilen Dat de voors_ so_me van viertiene ponde_ g? torn_ al + vulgolden ende betaelt zal zijn zonder fraude ende malengien / Jn oorcondscepe van desen Dinghen hebben wij dese l_ren huuthang? ghedaen zeghelen metten zeghele van + d_ voors_ stede van Brucghe Gemaect en_ ghegheue_ Jnt Jaer ons he_en M . + ccc . + Een en_ tneghentich ? vichtiensten Dach van Sporkele - - -