Corpus Van Reenen-Mulder (CRM14): Oorkonde H036p39502

Wie Jan beerhoud en_ jan de veltre Scepenen . Jn brucghe in dien tiden doen te wetene allen lieden dat Cam voor ons als voor sce? pauwels tibelin / Ende gaf halm ende wettelike ghifte pieter erin van neghene sceleghen parisisen eeweliker Renten elkes ja? naest commende lecghende ende gheassingneerd vp alle de husinghen voren ende bachten die toebehoren die van den boghaerde staende jn de curtrijcwech an de westzide van + der strate dewelke voors_ eewelike Rente men jaerlix ghelt telken sinte jans m? middels~zomers jn elc jaer eewelike allen daghen ghedurende Ende pauwels tibelin voors_ die wedde al~daer ende beloue? den voors_ pieter erine dese voors_ neghene sceleghen parisisen eeweliker Renten elkes jaers naest commende lecghende ende gheassigneerd an + de voors_ husinghen staende ter voors_ stede ghelike dat voors_ es te wetten te waerne ende te warandeerne te zinen vryen eighindo_me pieter erins voors_ tieghen elken meinsche Jn kennessen van desen dinghen hebben wij scepenen voorseit dese l_ren vuthanghende beseghelt met onsen zeghelen dit was ghedaen jnt jaer . M . + ccc viere en_ neghentich vpten zesse ende twijntichsten dach in maerte