Corpus Van Reenen-Mulder (CRM14): Oorkonde H036p39701

Wie zegher van langhemeersch joris wandelaerd jacob Mulaerd willem de moer Ende pieter boudin jans zuene scepenen jn brucghe in dien tiden dat dese dinghen voor ons waren ghedaen doen te wetene allen den ghuenen die dese l_ren zullen zien iof horen lesen / dat Camen voor ons als voor scepenen Roegiaer van + den heede ende jacob van + den heede beede Jacobs kindren van + den heede ende gauen halm ende wettelike ghifte jorisse den graue f_ jans ter stede bouf van brucghe van vichtien peneghen ende enen halling parisisen aerueliker rente elkes jaers licghende bin + der stede en_ scependo_me van brucghe in den cro_men~wael ant land en_ an de hofstede daer thuus vp staet dat wilen was Se_ zegher honins f_ Se_ zeghers en_ daer hi in woende jnt vterste van zinen liuene aldaer staende tusschen Jans conings huus af een zide wilen was / en_ clais skaesstickers hofstede scupers wilen was af ander zide de~welke vors_ aeruelike rente men gheld telken sinte Jans messe middels~zomers in elc Jaer Ende roegiaer van + den heede en_ jacob van + den heede vors_ wedden ende beloueden den vors_ joris den graue ter stede bouf van brucghe vorseit de vors_ vichtien peneghen en_ enen halling parisisen aerueliker renten elkes Jaers licghende ter vors_ stede ghelike dat vors_ es te wetten te waerne en_ te warandeerne ter vors_ stede van brucghe vrijen eghindo_me tieghen elken meinsche . . Jn kennessen van desen dinghen so hebben wie scepen_ vors_ dese l_ren huuthanghende bezeghelt met onsen zeghelen / dit was ghedaen jnt jaer ons heren dusentich + . drie hondert zeuen en_ tneghentich vpten achte en_ twintichsten dach van april - -