Corpus Van Reenen-Mulder (CRM14): Oorkonde H036p39702

Wie willem de moer Ende pieter boudin jans zuene scepenen . . Jn brucghe in dien tiden / dat dese dinghen voor ons waren ghedaen / doen te wetene allen den ghuenen die dese lettren zullen zien iof horen lesen . dat Camen voor ons als voor scepenen jacob van Cuertrike f_ wouters ende angnees zijn wijf ende gauen halm en_ wettelike ghifte janne den graue f_ jans ter stede bouf van brucghe van + der rechter heltscede van enen huus en_ van + der rechter heltscede . van ere ombehuusder hofstede der neffens licghende met datter toe + behoerd en_ vp staet te~gader staende en_ licghende in de bouerie Metter rechter heltscede van al + den lande datter bachten leghet en_ der toe + behoerd achterwaerd streckende tote der veste Naesten lamsin Cortebrucghes kinder hofstede wilen was af een zide ende goessin o_me jaghers hofstede wilen was af ander zide vp der keerke land van sinte saluators in brucghe en_ der andre die + re toe + behoren Ende voord so camen voor ons als voor scepenen jan stasin de plaesterare en_ jacob van Cuertrike f_ wouters vogheden van zoetkine jan scalx kinde shouden twelke hi hadde bi lisebetten zinen wiue jn de name en_ ouer tvors_ kindt Ende gauen halm en_ wettelike ghifte bi consente ende ottroye van + den ghemeenen hoope van scepenen die vppervogheden zijn van weesen den vors_ janne den graue f_ jans ter stede bouf van brucghe vors_ van + der rechter wederheltscede van + den vors_ huus en_ hofstede met datter toe + behoord en_ vp staet mett_ rechter wederheltscede van al + den lande datter bachten leghet en_ der toe + behoerd . ? staende en_ licghende ter vors_ stede gelike dat vors_ es en_ vpt vors_ land Ende jacob van Cuertrike f_ wouters ende angnees zijn wijf vors_ ouer hemlieden / Ende de vors_ vogheden in de name en_ ouer tvorseide kindt bi den vorseiden consente van + den vors_ ghemeenen hoop van scepen_ wedden alle ende beloueden den vors_ janne den graue f_ jans ter stede bouf van brucghe vors_ elc haerlieder heltscede van + den vors_ huus en_ ombehuusde hofstede met datter toe + behoord / al staende ende licghende ter vors_ stede ghelike dat zij hier voren ghifte ghegheue_ hebben te wetten te waerne en_ te warandeerne met al datter toe + behoerd voren bachten ende an allen ziden erdvast en_ naghelvast der an es ter vorseider stede van brucghe vrijen eghindo_me tieghen elken meinsche Met viertien sceleghen drie peneghen en_ enen halling parisisen tvors_ huus ende hofstede metten lande datter toe + behoerd al gheheel gheldende jaerlijx ten rechten landcheinse / Ende met neghen sceleghen en_ twee peneghen groter tornoisen ewelijc cheins elkes jaers gaende vte den vors_ huus en_ hofstede metten lande datter toe + behoord al gheheel bouen den vors_ landcheinse de~welke men gheld den godshuuse van sinte juliens in brucghe jn kennessen van desen dinghen so hebben wie scepenen vors_ dese l_ren huuthanghende bezeghelt met onsen zeghelen dit was ghedaen jnt jaer ons heren dusentich drie hondert zeuen en_ tneghentich vpten twalefsten dach van meye - -