Corpus Van Reenen-Mulder (CRM14): Oorkonde H069p31701

WJE gillis gremmin willem heilsoeten sune van den eechoute gillis de najre boudene paridaen willem sceuaerd willem jhans sune van archem jhan stulpaerd laten up masins ambocht in orscamp doen te wetene allen den ghenen die dese lettere sullen sien en_ horen lesen dat camen voor ons alse voor laten broeder woutre de bechaerd jans sune jans suns maes suns en_ alyse broeder wouters suster voorseid en_ jhan + boidins sune van + den eechoute die men het bev_hout en_ willem sceuaerd jhan boidins sune voorseid en_ willem voorseid van machtilde haluen jhans dochter maes suns als tue wettelike vochde machtilde voorseid ende ghauen halme en_ wettelike ghifte van . iiii . jmete lands en_ lxxv roeden lichte~like me af min + metten huus en_ met al + den cateylen die + re up staen aertuast en_ nagheluast up dit voorseide land broeder jhane ysentrude sune den bechaerd meester van den bechaerden in brucghe skouents bouf van + den bechaerden en_ dit land voorseid metten cateylen voorseid lecht binen maessins ambochte in + de procghie van orscamp in steden die men het aerchem licghende tenen stick sticke van den straetkine ten ostende van jan capoens huuse streckende oest~waerd ten velde uutghaende de + suutside streckende an willem luujns land de nortside streckende an willem jhans suns land van aerchem en_ broedre wouter jhans sune voorseid en_ alyse voorseid siin suuster en_ jan boidins sune voorseid machtilde vocht voorseid en_ willem sceuaerd machtilde vocht voorseid wedden broeder jhane den bechaerd ysentrude sune den mester van den bechaerden in brucghe skouents bouf voorseid dit voorseide land met + ten huus datter up staet en_ met al + den cateylen dire nagheluast en_ aertuast up staen te wetten te ghewaerne elc ymet met tue penghen paerisyse goeder munten gheldende willeme luuyne elcs jaers sonder andre land~scoud vri land en_ quite land meten voorseiden commre jeghen + elken mensche sonder fute en_ malengien te broeder jhans ysentrude suns smesters van den bechaerden vrien eghindoume skouents bouf van den bechaerden in brucghe en_ in orconschepen dat alle dese voorseide ghiften en_ weddinghen en_ voor~woorden voorseide also gheuaeren sijn also hier voorscreuen staet en_ bliuen sullen ghe~houden seker vast en_ gestade sonder fute en_ malengien so hebben wie voorseide laten dese lette~re te + kennessen ghesegh?lt met onsen propren seghelen huuthanghende dit was ghedaen saetter~daghes naer dartiendaghe als men screef ons heren jaer / M / / ccc / / ende / / sestjene - - - -