Corpus Van Reenen-Mulder (CRM14): Oorkonde H069p34201

WJE dankaerd van eebrouc gillis van scoenhille jan f_ jacops scaepshoefts jan nerinc jan f_ lams_ gheraerds arn_ dankaerd en_ willem lotijn schepnen jnt ambocht van oerscamp doen te + wetene allen den ghoenen die dese lett_e zullen zien jof horen lesen dat cam voer ons als voer schepnen jan f_ beelen van beueroud en_ gaf halm en_ wettelike ghifte boudenen f_ jans f_ wouterzoets en_ willeme f_ lams_ willijns van viere ymeten viere roeden min lichtelijc meer jof lichtelijc min lants licghende binder prochye van oerscamp en_ bin + den ambochte van oerscamp jn eene jeghenode die men heet beuerout ter stede daer willem die moor wilen woende en_ daer o_trent en_ dats te + wetene dat dese voers_ jan f_ beelen van beuerout wedde desen voers_ boudenen f_ jans f_ wouterzoets en_ willeme f_ lams_ willijns al + dit voers_ lant vri lant en_ (onleesbaar) lant met aleuene peneghen tsjaers diere hute gaen te renten en_ met ziere rechter lantschout te + wetten te + waerne tseghen elken mensche te boudens en_ te willems voers_ vrien eyghijndoeme nv en_ eewelike zonder fute en_ eenich malengien jn kennessen van allen desen voers_ dinghen dat zi also gheuaren zijn als hier voren ghescreuen staet zo hebben wy voers_ schepnen desen tsaert_e ghezeghelt met onsen zeglen wthancghende ghedaen jnt jaer ons heeren als men screef dusentich drie + hondert en_ een en_ viertich sdonresdaghes voer onser vrouwen dach jn maerte