Corpus Van Reenen-Mulder (CRM14): Oorkonde H069p35402

WJE jan vromond : jan nerinc : jan gheraerd : jan roseboem : wouter f_ Clais smets : jan jocep en_ willem lotin : Scepen_ jnt ambocht van Oerscamp doen te wetene allen den gonen die desen tsaerter zullen zien jof horen lesen / dat Cam voor ons jan f_ Carstiaens van der goote ende gaf halme en_ wetteleke ghifte Martine f_ Carstiaens van der goote van den vichtendeele van twe ende twintich jmeten lands onder~land en_ merchs~land lichteleke mer jof min / ende voord tvichtendeel van allen den husen en_ van allen den bomen die staen vp dit voorseide land bede eerd~vast ende naghel~vast / ligghende en_ staende jn die prochie van Oerscamp en_ binnen den ambochte van Oerscamp voorseid jn eene jeghenode die men heet ten moere en_ daer ommetrent / twelke voorseide goet wilen was Carstiaens van der goote seluer~smets / Ende jan f_ Carstiaens van der goote voorseid wedde martine voorseid al dit voorseide land ende merchs~land te wetten te ghewaerne jeghen elken mensche vri land en_ quite land met sire rechter landscoud / ende alle dese voorseide Cateilen dies ghelijcx sonder fute ende enighen malengien / Jn kennessen van desen dinghen hebben wie Scepen_ voorseide desen tsaerter te kennessen gheseghelt met onsen zeghelen vuthanghende / Dit was ghedaen jnt jaer ons heren als men screef Dusentich drie hondert drie en_ vichtich / vp den eersten dach van sporkele - - - -