Corpus Van Reenen-Mulder (CRM14): Oorkonde H069p36601

WJE gillis van houtviuere gillis van hoonbuerch symoen van beuerout jan f_ jans f_ willems van + den Echoute-e ende jan f_ jans f_ wouters . schepene vpt ambocht van oors? ? dien tiden dat dese dinghen voor ons waren ghedaen doen te wetene allen den ghonen die dese lettren sullen zien jof horen lesen / dat camen voor ons als voor schepen? ? van beuerout ende joncvrouwe margriete sijn wijf kenden ende verlyeden dat si ghecocht hadden jeghen boudene van beuerout ende jeghen joncvrouwen margrieten sinen wiue v? ? twe linen ende ene halue line lande lichtelike meer jof min ligghende bin + den ambochte ende in + de prochie van oorscamp in stede_ die de tshaertere van + der ghiften der of (onleesbaar) ?claerst omme ene summe van peneghen dats te wetene dartiene pond grote tornoyse in condicien ende manieren als hier naer bescreuen staet dats te wetene . wa? (onleesbaar) dat boudene van beuerout ende joncvrouwe margriete sijn wijf vorseide jof haerliede nacomers waert dat haers ghebrake vpleyden ende betaelden dese voorseide summe (onleesbaar) (onleesbaar) janne van beuerout ende joncvrouwe margrieten sinen wiue binnen desen drien jaren nv eerst comende naer den date van deser lettre so souden jan van beuerout ende ? margriete sijn wijf vorseide hare hand doen van desen voorseiden lande ende hemlieden halme ende ghifte der of weder gheuen / twelke jan van beuerout en joncvrouwe ? sijn wijf voorseide aldaer voor ons schepene voorseid wedden ende beloueden over hembeden ende ouer haerlieder naercomers wel te vulcomene ende te vuldoene sonder ? ? enich malengien Jn kennessen der wareden hebben wie schepene voorseide dese letteren huithanghende beseghelt met onsen zeghelen dit was ghedaen int jaer ons he? ? ? screef dusentich drie hondert viue ende tsestich vp den neghen ende twintichsten dach in laumaend - - -