Corpus Van Reenen-Mulder (CRM14): Oorkonde H105p35201

Wye Riquaert f_ wouters / Robrecht masiin / jan f_ danieel boydiins / colaerd belsel / jhan f_ jhans f_ gillis jhan f_ pieters willes / En_ jhan jorkiin / scepene van den houe van vlaerdslo doen te wetene allen den ghuenen die dese lettere zullen zien jof hore_ lesen dat quamen voer ons jhan f_ willems volkiers En_ wouter f_ wouters jacobs En_ lizebette ziin wijf En_ ghaue_ halm En_ wettelike ghifte jhanne f_ jacobs joseps van achte linen lants lichtelijc meer joft Min ligghende bi_nen den ambochte van vlaerdslo En_ binne_ der prochie van score beweste_ der stede daer clais (onleesbaar) dats te wetene ander + half ymet benoerde_ an clais (onleesbaar) (onleesbaar) voord zo leghets twe lin_ af noordhalf daer an voerd zoe leghets een half ym? westalf daer an twelke (onleesbaar) (onleesbaar) (onleesbaar) En_ jhan f_ willems volkiers En_ wouter f_ wouters jacobs En_ lizebette ziin wijf vors_ wedden En_ beloueden jhanne f_ jacobs joseps vors_ al dit vors_ lant te wetten te waerandeerne wech En_ lant vry lant quite lant met ziere Rechter lantscult te zinen vryen eghindome jeghen elken mensche Jn kennessen der wareide zoe hebben wie scepenen vors_ dese vors_ lettere gheseghelt met onsen p_pren zeghelen wt~hanghende Dit was ghedaen ?p den tiensten dach bin ingaende meye jn jaer ons here_ als men screef . M . CCC . vichtich ? twe -