Corpus Van Reenen-Mulder (CRM14): Oorkonde H108p34801

WJE jhan boudard En_ Clais voet Scepen_ in dixmude doen te wetene allen lieden . dat Cam vor ons als vor scepen_ . jhan de backere En_ Cateline siin wijf . En_ gauen in onse p_sentie met haren p_pren wille broeder jhanne vten lo . broeder pieter den scilder . broeder jhan den krekel . En_ broeder niclais viuen (onleesbaar) . broeders van den derden ordine te haren behouf . En_ tallen den andren van + der vors_ ordine wesende onder den minister van dixmude . de~welke hun willen laten beleden bi den minister vors_ . En_ bi + den broeders die residencie willen houden . Een huus met datter toe behord staende in + de vulrestrate tnaeste den broeders vors_ af west af . twelke huus was jacob suuchts . En_ hebben beloeft . tvors_ huus met datter toe behord . wel en_ wettelike te waranderne den vors_ broeders . metter rechter lantscoud gheldende dats te wetene . met dertien scellinghen par_ arueliker renten tsiaers . jeghen alle de gone die in jenigher maniere . Eesch Jof calange . daer toe warpen mochten . van dinghen ghevallen vor den dach van deser ghifte . Jn kennessen van desen dinghen hebben wie scepen_ vors_ dese lettre beseghelt met onsen p_pren zeglen . Ghemaect en_ ygheuen sinte vincencijs daghe . jnt jaer ons heren . dusentich drie honderd viertich En_ zeuene