Corpus Van Reenen-Mulder (CRM14): Oorkonde H117p34501

? willem de clerc Ja_ steuin . oliuier va_ diepbroec . piet_ van wauelgheem Michiel va_ de_ vorde . michiel de vos en_ martin van lake_ . Scepen_ mirer io_cfrouwe va_ lichteruelt mire vrouwe harer oudermoeder En_ mire vrouwe_ haerre moeder binne_ der prochie va_ lichteruelt . doen te wete_ne allen den gonen die dese_ tsartre zullen zien iof hore_ lesen . dat cam vor ons gill_ aket alse vor scepen_ . En_ gaf vp sijns danx en_ sijns willen ene_ godschalke_ van + de_ wijchuse wettelike halm en_ wettelike giften va_ elleue_nen line_ lants En_ ene_ halue_ lichtelike meer ofte min ligge_de bin + der prochie van lichteruelt En_ binnen de_ heerscepe vors_ dats te wete_ne twee ghemete_ en_ ene_ half lichtelike meer af min in die hofstede daer gill_ aket vors_ vp woene_de es Een half ymet liggende onder jan heins (onleesbaar) an + die oost~zide neffens willems ways kinders land lants strecke_de an + die oost~zide va_ wille_s (onleesbaar) wais kinders lande vors_ En_ Een half ymet ligge_de in aernouds hoofstede tende_ oliuiers lande va_ diepbrouc En_ ene (onleesbaar) line lichtelijc meer af min ligge_de int broucstic neffe_s weits lande van + de_ huus En_ gill_ aket belouet en_ weddet dese vors_ godschalke dese vors_ elleuene_ line_ lants En_ ene_ halue lichtelike meer af min te wette te warendere_ne (onleesbaar) ? mensche metter rechter lantscult die het vore_ en_ achter gegoude_ heeft dats te verstane . sesse sceleghe parisisen elkes jaers En_ daer so drouch en_ gaf dese vors_ godscalc weder vp dese vors_ gill_ akette dese vors_ eleue_ line_ lands en_ ene_ halue lichtelijc meer af min tene_ eruelike_ scense o_me . viue ende viertich scele parisisen elkes jaers erueliker rente_ ewelike gedure_de desen vors_ gill_ aket af sijn na~comers gelde_ af geue_ sulle_ dese vorseide godscalke_ af wat ma_ne die bringe_ sal de p_sente_ tsarter te twee paymente elcs jaers dats te v_stane twee en_ twintich sceleghe en_ ses pe_ninghe parisizen vp + de_ kerst~dach nv naest come_de . En_ twee en_ twintich sceleghe en_ sesse pennin_ge parisize_ vp sinte jans dach baptiste mids~zomers naest comende En_ alse elx jaers naer volgende En_ es dat sake dat gill_ aket vors_ af sijn na~comers niet ne goude_ alsoot vors_ es dese vors_ rente En_ teen payme_t tand_ acht_~haelde dat godscalc vors_ af die dese p_nte_ tsarter bringe_ sal (onleesbaar) al dat vors_ lant mach slaen hant En_ (onleesbaar) al de katele diere vp vinden sal ou_ sijn quite al eygijn goed af dese vors_ rente die sal gelden coop en_ v_steruenesse twalue penni_ge parisisen geuallet . alst Jn orco_scepe_ va_ allen desen vors_ dinge_ dat si sulle_ bliue_ vast goed en_ gestade so hebbe_ wie vorseide scepe_ne_ dese vorseide tsartre bezegelt met sine_ propre_ segele huutha_ge_de dit was gedae_ int jaer ons h_en als + me_ screef sijn incarnatioen . M . CCC . en_ . xlv . sdisendages vor sinte pieters dach inga_gende oest