Corpus Van Reenen-Mulder (CRM14): Oorkonde H536r33503

JC heinric gillemans soene oten soens ols here in dien tiden dat dese lettre was ghemaect metgaders Gillise den nayere Pietre maraele Weitine clais soene smeets Boudine paridane Boudine berbize Jhanne willems soene van den echoute ende boudene ysentrude late miin~sheren tsgrauen van vlaendren up masins Ambocht binnen der prochie van orscamp doen te wetene allen den ghuenen die dese lettre sullen zien of horen lesen dat cam voer ons Jhan van zweuenzele ende kateline siin wiif ende ihan van zweuenzele Jhans soene van zweuenzele voerseit ende kateline siin wiif ende jacop van zweuenzele Jhans soene van zweuenzele voerseit ende kateline siin wiif ende danieel van zweuenzele Jhans soene van zweuenzele voerseit ende jhan van den moenstre ende Andries de ruwe wettelike voochde danieels van zweuenzele voerseit ende ghauen halm ende wettelike ghifte Paridane van den echoute tscouents bouf van den beghaerden in brucghe van een ende twintich ymeten lands ende twee linen lands lichteliic meer of min ende van allen den lande dat behorende was te desen voerseiden goede up die tiit dat dit voerseide lant up was ygheuen licghende binnen der prochie van orscamp ende up masins ambocht voerseit ende in steden dat men heet te pudebrouc ende daer ommetrent met allen den cateilen ende met allen den husinghen die staen up dit voerseide lant ende met al datter an es eertvast ende nagheluast Welke voerseide een ende twintich ymete lands ende twee linen lants lichteliic meer of min voerseit ende al tlant dat behorende was ten goede te pudebrouc voerseit licghende binnen der prochie van orscamp ende up masins Ambocht voerseit ende in steden dat men heet te pudebrouc ende daer ommetrent voerseit Wedde Jhan van zweuenzele ende kateline siin wiif voerseit ende ihan ihans soene van zweuenzele voerseit ende kateline siin wiif ende jacop ihans soene van zweuenzele voerseit ende kateline siin wiif ende daneel Jhans soene van zweuenzele voerseit ende Jhan van den moenstre ende Andries de ruwe voerseit wettelike voochde daneels van zweuenzele Jhans soene van zweuenzele voerseit Paridane van den echoute voerseit tscouents bouf van den beghaerden in brucghe voerseit te wetten te ghewarendeerne vri lant . quite lant met sire rechter lantscoud te sinen vrien eghindoeme sonder fute ende enighen malengien ende omme~dat ic heinric gillemans soene oten soens ols here voerseit metgaders den laten miin~sheren tsgrauen van vlaendren up masins Ambocht voerseit willen dat al dese voerseide ghiften voerwoerden ende weddinghen zeker vast ende ghestade sullen gheouden bliuen so hebben wiit bezeghelt met onsen propren zeghelen huutanghende . dit was ghedaen in tiaer ons heren als men screef siin incaernatioen dusentich drie + ondert ende viue ende dartich tsoendaghes voer alf meye - -