Corpus Van Reenen-Mulder (CRM14): Oorkonde H536r33801

godelief de wedue piet_ galoppins gaf wettelike ghifte broder ian van den moere van der helt~scede van tien linen lands ligghende bin der ambochte en_ in die prochie van eernegheem bi jans baecsters streckende van ians baecsters zuut~waerd en_ godelief de wedue piet_ galoppins vors_ wedde broeder ianne van den moere vors_ al dese vorseide helt~scede van desen vorseiden tien linen lands te wetten te waerne wech en_ land vri land quite land en_ sonder scult te broder ians van den moere vors_ vryen eghindome tseghen elken meinsche sonder enich malengien dit es kenliic maertin den weuel wetteliic crichoudere alse here en_ scepenen van den vrien van der west~vierscaerne willem houtin willem van keten wout_ de vos van ettelgheem heinric van esene wout_ van den berghe ian van den berghe robracht canin en_ heinric sesbrood dit was ghedaen tsaterdaghes naer onser vrouwen dach in maerte in tiaer ons heren dusentich drie + hondert zeuene en_ dartich