Corpus Van Reenen-Mulder (CRM14): Oorkonde H536r33901

WJE wouter . schinkel _ s_ ihans en_ ihan de weerd Schepe_n in brugghe in dien tijden doen te wetene allen den ghuenen die deze lettren zullen zien jof horen lezen dat camen vor ons als vor scepen_ willem van den hille de meersenier en_ griele zin wijf en_ kenneden en_ verlieden dat zie vercocht hebben ter beggaerden bouf van brugghe achte lijnen lands lichtelic min jof meer ligghende bin der prochien van houdenbuergh bachten stolnaers walle binden hambochte van ghistele tusschen gheraerd sgoes lande of westhalf en_ ihan volkaerds lande ande oost~zijde met zesse peneghe par_ siaers vte~gaende te ziere rechter scoud van den welken vors_ achte lijnen lands willem van den hille en_ griele zin wijf vors_ wedden en_ beloueden den vors_ beggaerden van brugghe ghifte te gheuene naer costumen en_ vzaedgen van der vrier vierscarre binder naster maende naer dat de wet ten vrijen ghemaket zal zijn vp vonde crachten zonder malengien jnkennessen van dezen dinghe_ hebben wie scepen_ vors_ deze lettren bezeghelt huuthanghende met onzen zeghelen dit was ghedaen vp den achtiensten dach van april anno d_m___ &mring; ccc˚ neghene en_ dartich