Corpus Van Reenen-Mulder (CRM14): Oorkonde H536r33902

WJE jhan rucghe gheraerd van boeyengheem . wulfard _ jhans jhan gheypard . boudene duuel boudene die knuut jhan scurre . lambracht van den dike . steuen van der praet . bouden die knoc en_ jhan _ jhans _ boidins SCepen_ van den vrien doen te wetene allen den goenen die dese lettren Sullen sien of horen lesen / dat Cam vor ons willem van den hille en_ griele sijn wijf en_ gauen wettelike ghifte reinghere van den wulpitte ten Couente boef van den becgarde in brucghe van achte linen lands lettel min of meer licghende binden ambochte van ghistele en_ binder prochie van oudenburgh bachten tolnars walle tusschen gherards g?s lande of een side en_ jhan volkards lande of ander Side . En_ willem van den hille en_ griele sijn wijf vors_d) wedden reinghere vors_ al dit vors_ land te wetten te waerne wech en_ land . quite land vry land met zesse peneghe par_ siaers te sculden al dit vors_ land ten Couente boef van den becgarden vors_ vrien eghindoeme jeghen elken mensche jn ke_nessen van deser dinc dat soe vast si en_ ghestade bliue so hebben wie vors_ scepen_ dese lettren ghezeghelt met onsen zeghelen vuthanghende / dit was ghedaen sat_daghes na . sinte nichasis dach jnt jaer ons h_en als men screef dusentich drie + hond_t neghene ende dartich .