Corpus Van Reenen-Mulder (CRM14): Oorkonde H536r34201

WJE . . Gillis van coudebrouc . zegher tholnare . Jan de weerd . Jacop van beerneem . ende wille_ van auennes . . scepenen in brucghe in dien tiden dat dese dinghen vor ons waren ghedaen . doen te wetene allen den ghuenen die dese lettren zullen zien iof horen lesen . Dat camen vor ons alse vor scepenen . . heinric wullepond / ende Joncvrauwe kateline siin wijf . Ende gauen halm ende wettelike ghifte . Mense gaye tsconuents bouf van + den begaerden in brucghe van ere plaetse lands metter hofstede diere toe + behoord met alle den husinghen / ende bomen diere vp staen twelke wilen was Martins vanidu / ende met al den lande datter vorseider plaetse / ende hofstede toebehoord bede voren ende bachten licghende ende staende in + de prochie van oorscamp int oost~ende van pudebrouc an + de zuudzide van + der strate tusschen der begaerden lande vorseid an beeden ziden . . Ende heinric wullepond / ende Joncvrauwe kateline siin wijf vorseid wedden ende belouenden den vorseiden Mense gaye / tsuorseids Conuents bouf van + den begaerden de vorseide plaetse lands metter vorseider hofstede met al den lande datter toe + behoord beede voren ende bachten met al den husinghen / ende bomen diere vp staen licghende ende staende ter vorseider stede te wetten te waerne / ende te warandeerne met al datter toe + behoord beede voren / ende bachten / ende eerduast / ende nagheluast an es te suorseids Conuents vryen eghindoume ieghen elken meinsche met alzulken laste alser nv Jaerlijcs vte gaet . . Jn kennessen van desen dinghen hebben wie scepenen vorseid dese lettre_ uuthanghende beseghelt met onsen zeghelen . Dit was ghedaen int Jaer ons heren als + men screef siin Jncarnation . Dusentich . + CCC . + twee ende viertich . vp den darden dach van + der maend van april . . (onleesbaar) . . -