Corpus Van Reenen-Mulder (CRM14): Oorkonde H536r34202

Hughe f_ zeghers heinric / stigant hidde f_ huwaertz / heinric f_ broeders / en_ pieter hoedint wie scepenen vp willems kalkers f_ sh_e willems Eerscip / doen te wetene allen lieden dat Cam vor ons als vor scepenen adelice Martins vleeschauwers dochter Ende gaf halm en_ wettelike ghifte / pauwels bernarde / f_ shere pauwels van Enen ymete ende vichtiene roeden landz lichtelic Min / jof Meer licghende vp willems kalkers Eerscip vors_ zuutwest van der olimolne / an de westzijde / an willems land van essen / Ende adelice Martins vleeschauwers dochter vors_ wedde / ende belouede den vors_ pauwels bernarde / tvors_ ymet en_ vichtiene roeden landz te warand?rne / ende te wetten te waerne tieghen elken Mensche / wech ende land / vri land / ende quite land / met zes groten torn_ siaers / tymet / gheldende te sire rechter landscout / In kennessen der wareid hebben wie scepenen vors_ deze l_re bezeghelt met onzen zeglen vuthanghende dit was ghedaen vp den achsten dach van october / int jaer ons heren als men screef / M˚ / + C˚CC / + twee / + ende viertich (onleesbaar) - -