Corpus Van Reenen-Mulder (CRM14): Oorkonde H536r34301

WJE hughe de rode jan loncke lamsin aloud jan van leden ghevaerd van scardau lamsin de wilde clays de ? willem de muenc en_ jan witte scepene_ van den zieselschen doen te wetene allen den goene_ die deze lett? zullen zien jof horen lezen dat cam vor ons ver machtilt bouden mans weduwe en_ gaf alme en_ wetteleke ghifte den h_e pitren den amer prochipape van moerkercke en_ joncvrouwen adelisen jan reyngoet cants docht_ als van achte en_ tvintich ymete lands lettel min af meer lichende binden ambouchte van den zieselschen en_ binne_ der prouchyen van maldenghem en_ van ziesele jn ene jeghenode die men heet broedsende in ene stede die men heet ter dorent Ende ver machtilt bouden mans weduwe vors_ wedde den here pietren en_ joncvrouwe_ adelisen vors_ dit vorzeyde land te wette te waerne wech en_ land quite land te aerleder vryen heyghindomme jeghen elcken mensche met tveen sceleghen parisizen siaers van den ymete gheldende ten hove van maldenghem tvelcke vorseyde land heeft tene_ wetteleken erveleken tsense kateline arn_ snauw_ds weduwe jan aer zoene wouter aer zoene en_ adelise aer docht_ omme zesse en_ tvintich sceleghe parasize siaers joft omme die werde der of in andren paeymenten te gheldene de hene helt telcken sinte baues messe in elc jaer en_ de ander elt telcken meye daer erst comende met vier peneghe_ parisizen te cope en_ te versteervenessen als die aventueren ghevallen en + Die lancs leeft va_ den h_e pietren en_ van joncvrouwen adelisen vors_ zal behouden den tsaerterre en_ tvoerseyde go? jn kenlecheden dat wye scepene_ willen dat deze dinghen bliven vast en_ ghestade zo ebben wy ?e lettre ghezeghelt met onsen zeghelen huut~anghende Djt was ghedaen jnt jaer ons h_en ? men screef zijn incarnatioen duzentich drye ondert en_ tve en_ viertich tsaterdaghes ?er dartiendach (onleesbaar) - -