Corpus Van Reenen-Mulder (CRM14): Oorkonde H536r34601

VAn Al + den contente en_ ghesscille dat was tusschen broeder Wout_ van orsca_p meest_ van den becgaerden af een zide en_ gheraerde willems sone loeuijs af and_ zide van den weghe die gaet van der beyerstede te aerheem sprudende en_ toecomende van den weghe voorseit dat es wel en_ wettelike ghe?dert en_ ghekeert bi co_sente van beeden den voors_ paertien bi namen vp den heere meeuse gayen en_ den woutren scu_kel ver grielen sone en_ daer wedde beede dese voors_ p_tien wel te houdene en_ te vulcomene al dat dese voors_ vinders hier of zeeghen en_ wisen zullen daer worden dese voors_ vinders seeghende en_ wijsden vp die weddinghe diere te~voren ghedaen ware_ en_ ute der goeder orco_sceppen en_ warede die ziere of gheort adde_ (onleesbaar) gheburte daer die vors_ wech gheleghe_ is en_ wijsde_ bi + acorde te niete den voors_ wech teeuwelike_ daghen so waer dat hi t?te noch ygaen heeft en_ dat ghecaert voorseit sal scadeloos en_ al scadeloos quite_ den meest_ voors_ van allen coste_ en_ scaden die de_ meester voors_ hier of comen siin jof comen moghen tseghen den heere . dit ken_en late vp masins ambocht in orscamp piet_ merael wo_ter clais sone smets boudene berbijs boudene ysentruurt jan van aercheem gilliis van aercheem en_ piet_ gremmij_ dit was ghedaen jnt jaer ons heeren als + men screef dusentich drie + ondert viertich en_ sesse vp den sestienten dach van Meye