Corpus Van Reenen-Mulder (CRM14): Oorkonde H536r34701

WIE / Reynare f_ jans / wout_ die brok_e / heinric van Esene / jan Ghepaerd / Rawel baroud / karstiaen van den berghe / Gillis tellebone / Ende heinric zesbrood / scepenen van den vryen doen te wetene allen den Ghene_ die dese lett_en zullen sien af horen lesen dat Cam voor Ons Clais f_ willems van Coolkerke / Ende Gaf wettelike Ghifte / katelinen jan Reyloefs docht_e van vijf linen ende vichtich Roeden lands lettel min af meer met allen den bomen di_e up staen / legghende ende staende al vors_ bin + den ambochte Ende bin + der p_chye van Oestkerke / Oestwaerd van der kerke / daer of so leghets viere linen lands lettel min af meer tusschen jans meyters lande af Een side ende piet_ f_ willems van Coolkerke lande af ander side / Ende vord so leghets van den vors_ lande bet zuud Een half ymet lands lettel min af meer an die noordside an Mijns h_e Ghi?s land / Ende an die zuudside an jans meyters land / Ende was wilen al vorseid willems van Coolkerke / Ende Clais f_ willems van Coolkerke vors_ wedde kateline_ jan Reyloefs docht_e vors_ al die vors_ land en_ bome_ vors_ alsoot al vors_ es te wetten te waerne wech ende land / quite land / vry land / Ende zonder scult te kateline_ jan Reyloefs docht_e vors_ vryen Eghindome jeghen elken mensche / Ende vord so Cam voor Ons scepenen vors_ kateline jan Reyloefs docht_e vors_ Ende Gaf weder Clais f_ willems van Coolkerke vors_ al dit vors_ land ende bomen vors_ tenen aerueliken chense Omme vichtich sceleghe paris_ aerueliker Renten elkes jaers te gheldene jn elc jaer Ewelike ende aeruelike Ghedurende dene helt van deser aerueliker Renten vors_ telken sinte Martins + messe Eerst comende naer der note Ende dand_e helt te gheldene telken meye~daghe daer naer Eerst comende Ende met Enen Goeden niewen paer scapinre hantscoen te Cope ende te v_steruenessen als die auenture Gheuallet / jn . kennessen der waerheden van desen vors_ dinghen dat sie zeker vast Ghestade ende wel ghehouden zullen bliuen so hebben wie vors_ scepenen dese lett_en ghezeghelt vtehanghende met Onsen zeghelen / Dit was ghedaen tsaterdaghes vpten zesse ende twintichsten dach van meye / jnt jaer Ons h_en als + men screef sijn jnCarnatioen / dusentich / + drie + hondert / + zevene / + Ende / + viertich . (onleesbaar) . - . -