Corpus Van Reenen-Mulder (CRM14): Oorkonde H536r34801

WJE jan van leden veys f_ arn_ lamsin aloud clays de vos heynric f_ willems pieter beste en_ bouden scotte scepene_ van den zieselsche_ doen te wetene allen den ghuene_ die deze lett_e zullen zien jof horen lezen dat cam voer ons als voer scepene_ willem f_ willems meynaerde en_ gaf alme en_ wetteleke ghifte martine van lodine als van twen linen lands lettel min jof meer shuus bouf en_ scovents bouf van den beggaerde in brugghe twelcke vorzeyde land gheleghe_ gheleghe_ es bin + den ambochte van den zieselsche_ in de proychie van arssebrouc ligghende pieter f_ willems land af een zyde en_ jan ghersoens land af ander zyde En_ willem f_ willems meynaerds vors_ wedde martine van lodine vors_ dit vorzeyde land te wette te waerne met tveen scellen parisysse siaers vry en_ quite teghen elcken mensche als huus bouf en_ scovents van den beggaerden vors_ vryen heyghindomme En_ martin van lodine vors_ gheft weder willeme f_ willems meynaerds vors_ dit vorzeyde land omme tvalef grote torn_ elcs jaers erveleker renten heeuweleke gheduerende te gheldene te sinte bamesse erst coemt en_ dierghelijcke van jare te jare omme~gaende te gheldene den vorzeyde_ covente van den beggaerden in brugghe En_ tve penne par_ te cope en_ verstervenessen als ghevallet jn + kenlecheden dat wye scepene_ willen dat deze dinghen bliven vast en_ ghestade zo ebben wy deze lett_e ghezeghelt met onzen zeghelen huut~anghende Djt was ghedaen tsaterdaghes naer sinte pauwels daghe jnt iaer ons h_en als men screef zijn in~carnatioen duzentich drye ondert zevene en_ viertich (onleesbaar)