Corpus Van Reenen-Mulder (CRM14): Oorkonde H536r35101

WJE jan breidel f_ ians f_ Michiels ende pieter aluerdoe scepenen Jn Brucghe in dien tiden dat dese dinghen vor ons waren ghedaen doen te wetene allen den gonen die dese lettren sullen sien iof horen lesen dat Cam vor ons alse vor scepenen der jan de weerd van ghistele Capelaen ten begaerden in brucghe Ende gaf vp ende drouch ut handen broeder woutre van oorscamp te sinen vryen eighindome ende ouer sijn vrye eighine goed al die selue macht ende al dat selue recht dat hi hadde iof hebben mochte aen desen eersten chaerter duere den~welken dese laetste ieghenwordighe chaerter ghesteken es ende ?nhanghet . . jn kennessen van desen dinghen hebben wie scepenen vors_ dese lettren vuthanghende beseghelt met onsen seghelen dit was ghedaen vpten viue ende twintichsten dach van meye anno d_m___ . M . + ccc . + een ende vichtich (onleesbaar) - - -