Corpus Van Reenen-Mulder (CRM14): Oorkonde H536r35102

WJe beurchmeesters scepen_ Raet Ende ghemeente van den da_me doen te wetene Ende maken cont allen lieden / dat midz den Consente en_ octroie dat ons de stede van brugghe ghedaens heift / Ene brugghe van twalef voeten breet te makene bin onser poort ouer tniewe ghedelf . daer wilen de minnebrugghe stoed / daer al noch de jocken staen / niet hoghere danne nv de straten an beeden ziden van den ghedelue ziin keys (onleesbaar) / op onser vors_ poort cost / wij verbinden ons allen / ende elken van ons allen ouer al Ende ou_ al onse naerco_mers / dese voors_ brugghe / die wij nv zullen maken / af te brekene / Ende te nieuten te doene tonser voorseider poort coste / tallen tyden als de nieuwe vaerd voort sal gaen Jof so waneer dat wijs vermaend zullen siin van der stede van brugghe voors_ / Altoos behouden Elken zijre aeruachtichede / alz verre alz doordinanche van der nieuwer speye mentyoen maect en_ in~heeft / bi der oorcontscepen van desen l_ren bezeghelt met den grote_ zeg? van bande van onser poord van den da_me voors_ vuthanghende / dit was ghedaen vpten twintichsten dach van woedemaend Jnt jaer ons heren dusentich drie hondert vichtich en_ een (onleesbaar) -