Corpus Van Reenen-Mulder (CRM14): Oorkonde H536r35201

Wje hughe de rode veys f_ arnouds lamsin de corenbitere pieter beste lamsin de wilde jan waye en_ clays de vos scepenen van den ziesselschen doen te wetene allen den gonen die dese lettere zullen zien jof horen lesen dat cam voer ons als voer scepenen joncfrouwe adelise ja_ reingots cants doc?tere ende gaf broeder woutren van orscamp meester van den begaerden als _uents bouf van den begaerden de macht ende de cracht die dese tsaertere in~heeft de welke die hier doersteke_ es met desen tsaertere van alden mentione die dese vorseide tsaertere maect dat es te wetene van zesse ende twintich scelle parisise siaers erveleke gheduerende up tlant ter dorrent also vele als dese vorseide tsaertere lants verclaerst + . Ende joncfrouwe adelise jan reingoots cants dochtere vorseid wedde broedren woutren van orscamp vorseid meestre van den begaerden als _uents bouf vorseid dese vorseide zesse ende twintich scelle paris_ ende al daer dese vors_ tsaertere mentioen af maect die hier dorsteken es te wette te waerne vri ende quite jeghen elken mensche als te broeder wouters vorseiden eyghindomme te _uents bouf vors_ Jn kennessen va_ desen dinghen so hebben wie vors_ scepenen dese lettere ghezeghelt met onsen zeghele huutanghende / dit was ghedaen sdinxen~daechs naer sinte amants dach Jnt jaer ons heren als men screef . M˚ . + ccc˚ . + ende en en vichtich (onleesbaar) - -