Corpus Van Reenen-Mulder (CRM14): Oorkonde H536r35303

Wie dankaerd van zedelgheem ian van bouenkerke chasus de mol iacob van heyle steuen van der praet gillis tellebone rawel baroud ian ratgheer jan f_ heinrix van den eede en_ piet_ van der hawe scepenen van den vrien doen te wetene allen den gonen die dese lett_en sullen zien af horen lesen dat cam vor ons lambracht broud port_e in oudenbuerch en_ gaf wettelike ghifte broeder simoen toluine port_e in brugghe van tiene linen lands dartiene roeden min lettel min af meer lighende bin den ambochte shere wout_mans en_ in die prochie van zantvorde zuud van der kerke daer of so leghets zeuen linen en_ zeuentich roeden lands lettel min af meer tusschen ian bijscops lande af een side en_ ians lande van den riede af ander side vort so leghets twe linen lands en_ zestiene roeden lands lettel min af meer hoofdende an den wech tusschen den weghe af een side en_ ioos hondertmaerx lande af ander side en_ lambracht broud vors_ wedde broeder simoen toluine vors_ al dit vors_ land te wetten te waerne wech en_ land vri land quite land met drie sceleghen en_ drie peneghen par_s____ tsiaers gheldende van al den vors_ lande te sculden te broeder simoen toluins vors_ vrien eghindome ieghen elken meinsche jn kennessen der waerhede so hebben wie scepenen van den vrien vors_ dese lett_e ghezeghelt met onsen zeghelen vuthanghende dit was ghedaen vpten vichten dach van april in tiaer als men screef dusentich drie hondert drie en_ vichtich -