Corpus Van Reenen-Mulder (CRM14): Oorkonde H536r35801

Bouden de clerc . heinrijc de vroede . jan f_ S_ jans . jan de Ram en_ willem vlaminc wije Scep_n in den dam doen te wetene allen . lieden dat wij waren alz scep_n vp Enen wetteliken dincghedach jn ghebanre vierscaren daer der willem van praet jn de name van . den . ghemenen conuente van + den becgarden / binnen brucghe . begherde . te verbiedene . huus . en_ land . dat wilen jans balghers was . staende jnt molenwat_ . jn vrederic brandz strate . naest jacops walen hofstede wilen waz alz en + en wintich scellinghen . par_ aeruelik_ Renten tsiaers van . drien . jaren . tacht_ . waer en_ dat hijt ghepand heeft . jn de name voors_ . Naer zijre begherten . so . maende ons de baill_ van den . Rechte . wije scep_n voors_ wijsden . tverbod te doene en_ daemachtichede te lossene bin + den ghenachten en_ de voors_ so_me van peneghen tsiaers . met / twalef penninghen . par_ van pandinghen / en_ met viere penninghen par_ van verbode . jof men andwordets ne_mermeer Behouden elx meinscen Rechte Jn kenness_ der wareden hebben wije . scep_n voors_ dese l_re gheseghelt / met onsen zeglen vuthanghende dit was ghedaen vp den avend van ons_ vrauwen jn decemb_ jnt jaer ons h_en M˚ + . ccc˚ + . vichtich en_ achte -