Corpus Van Reenen-Mulder (CRM14): Oorkonde H536r35901

Wy schepenen sgrauen van vlaender van + der vierscare die men heet hoenlede ambacht willem van der yepe jhan van + den heede pieter van + den hecke matthijs baert ende wouter van + den hilsbussche Doen te wetene ol den gonen die desen tsaerter sullen sien af horen lesen Dat wouter veynnoot heuet ghecocht ende wel vergouden jeghen catelinen de wedewe jhan zoets ende jeghen gillis den coninc catelinen zone vorseit trechte vijftendeel van vier linen elsten lettel Min af meer ligghende in + de prochie van gheeds in tween sticken be~weste willems van der yepe ende der benoerden ymene ligghende met gillis reynnaers kindren ende met wouter wesen Ende dit vorseide vijftendeel van deser vorseider elst heuet dese vorseide wouter veynnoot van deser vorseider catelinen de wedewe jhan zoets ende van gillis den coninc catelinen zone vorseit ontfanghen met halme ende met ghiften met wedde ende met waerscepen wel ende wettelike naer costumen ende vzaetzen van + der vierscare vorseit ende cateline de wedewe jhan zoets ende gillis de coninc catelinen zone vorseit hebben gheloeft ende ghewet desen vorseiden wouter veynnote dit vorseide vijftendeel van deser vorseiden elst + te waerrenderene tollen ? ?eghen olle lieden met tsheren rechte lantscult ? kennessen ende in oerconscepe? ? warede te houdene dit goet zeker vast ende gh?de so hebben wi schepenen b? ?enoemt desen tsaerter ghezeghelt elc met sine? ?eghele vtehanghende Dit w? ?edaen jnt jaer ons heren ols men screef dusentich drie hondert jaer vichtich end? ?e vp + den viertiensten dach in Maerte - - -