Corpus Van Reenen-Mulder (CRM14): Oorkonde H536r36001

Broeder sjmoen toluin broeder ten begaerden in brugghe drouch vp wettelike Janne van beueroud meester van den begaerden in brugghe vors_ jn dien tiden scouents bouf van den begaerden vorseid al dat recht Ende al die macht die hie hadde an dese chartels (onleesbaar) de~welke chartels daer dese chartel die hier te~jeghen~woerde es vast an es ende der mede dorsteken . dats te wetene van al dat die chartels vors_ verclaerzen mentioen af maken Ende in~hebben / Ende broeder sjmoen toluin vors_ wedde broeder janne van beueroud meester van den begaerden vors_ jn dien tiden tscouents bouf van den begaerden vors_ alt recht Ende al die macht van der vors_ chartels te wetten te waerne tscouents bouf van den begaerden vors_ vrjen Eghindome jeghen elken mensche al zonder fute Ende malengjen . djt kennen scepenen van den vrjen . jan van ghistele f_ mijns here philips . jan van ghent . wouter de broukere . hughe de hurtere . gillis tellebone . jacop de damhoud_e . jan mare . wouter storum . karstiaen van den berghe . heijnric moenac f_ jans . bouden de knuut Ende jan f_ jans f_ boijdins . djt was ghedaen tsaterdaghes vp sinte pauwels dach jnt jaer ons heren als men screef sijn jncarnatioen dusentich drie hondert neghene ende vichtich - - -