Corpus Van Reenen-Mulder (CRM14): Oorkonde H536r36301

WJE nicasijs de mol rudd_e . diederic f_ diedericx f_ willems . jan f_ ghosius . jan van den berghe . jan steijlin . jan van ghent . jacop Cortin . jan boijie . jan f_ jans f_ boydins . jan gillis . Ende j? van stijtvelt scepenen van den vrijen . Doen + te wetene allen den ghonen die dese lett_e sullen sien af horen lezen . dat Camen voer ons . jan de pape poort_e jn oudenburch ende kateline s? wijf . ende ghaven wettelike ghijfte jan den naiji_e . scovents bouf van den begaerden jn brucghe van tween ymeten lans lettel mijn af meer . lecghende binne Mijns h_e woutermans a?te Ende bin + der prochije van oudenburch . westwaerd van der kerke . tusschen robrechts papen lande af een side . Ende robrechts pape vors_ lande Ende jan (onleesbaar) lande af ander side . ? jan de pape Ende kateline sijn wijf vors_ wedden jan den naiji_e vors_ scovents bouf van den begaerden vors_ al + dit vors_ land te wetten te warendeerne wech ende land vrij l? quite land Ende zonder scoud te scovents bouf van den begaerden vors_ vrijen Eghindomme jeghen Elken mensche / jn kennessen der wareden van desen vors_ dinghen dat si vast zeker ?stade ende wel ghe~houden sullen bliven so hebben wij scepenen van den vrijen vors_ dese lett_e te kennessen ghezeghelt met onsen zeghelen wthanghende . Djt was ghedaen . vpten vicht? dach jn hoijmaent jnt jaer ons he_en als men screef sijn incarnacioen . dusentich + . drie hond_t + . drie ende zestich . - - - -