Corpus Van Reenen-Mulder (CRM14): Oorkonde H536r36302

Joncfrouwe kateline f_ jan Reyloofs die drouch vp wettelike jan den nayiere dats te wetene tscovents bouf van den beghaerden jn brucghe . al + die macht ende al + dat recht dat soe hadde an desen chaert_e an den~welken chaert_e daer dese chaert_e die hier te~jeghenworde es vast an es Ende der mede dorsteken dats te wetene van al dat die chaert_e verclaerst mencioen maket ende jn~heuet . Ende joncvrauwe kateline f_ jan reyloofs vors_ wedde jan den nayere vors_ al + der vors_ macht ende cracht van den vors_ chaerte_s te wetten te warendeerne vry ende quite tscovents van den beghaerden in brucghe vors_ vryen Eghindome jeghen Elken mensche Sonder Eniche fute ende malengyen Djt kennen scepenen van den vryen . . reynvaerd brantin . jacob de damhoud_e . karstiaen van den berghe . jan ratgheer . bouden de goes . jan boyie . jan f_ gillis . jan f_ jans f_ boydins . Ende jan van stijtvelde . dit was ghedaen vpten and_en dach jn pietmaent jnt jaer ons heren als men screef sijn jncarnatioen . dusentich . + drie hondert + . drie ende zestich