Corpus Van Reenen-Mulder (CRM14): Oorkonde H536r36402

Het sij cont en_ kenlijc allen den ghene_ die dese lettre sullen zien ofte horen lesen En_ specialike Den Deken en_ vinders van ghedeelle van sente Donaes sestendeelle in de stede van Brugghe Dat wij Jan heinrichs zone Prijster stede houdende van den Proichipape in Bochoute ende hughe van der doene en_ jan mathijs Prijsters en_ capellane in de selue kerke / en_ jan van den hogheweghe als scepene in Bochoute / kennen en_ wel weten wtter goeder informatien en_ vroedo_me die wij hebben van goeden vroeden lieden / en_ van den onderinghen van den lande / en_ van der Proichien van Bochoute en_ ooc van ons seluen Dat Maertin van essen de~welke nu in Brugghe woent es Maertins zone van essen van rechten ghetrouden bedde / En_ Der Maertin sijn oudervader was Poertre in Brugghe leghet begrauen in de proichie van Bochoute En_ sine steen die ouer hem lach / es noch in de + kerke van Bochoute daer + in dat sijn name staet ghescreuen En_ voerd es wel te wetene dat Maertin van essen die nu te Brugghe woent heuet sine_ gherechte toename / van sine_ gherechte gheslachte neder co_mende niet dat + se he_ toe~co_mende es van der zide / af dat hi mochte ghewoent hebben met dien van essen dat + se hem daer + of toe~co_mende es En_ in kennessen der waerheden so hebben wij Jan heinrijcs zone / hughe van der doene / en_ jan mathijs als prijsters En_ Jan van den hogheweghe als scepene desen Jeghenwoerdighen wthanghende lettre ghezeghelt met onsen zegle wthanghende Dit was ghedaen Jnt iaer ons heren als men screef . M + . ccc + . en_ + . lxiiij . vp sente Benedictus dach in den zomer .