Corpus Van Reenen-Mulder (CRM14): Oorkonde H536r36801

WJE symoen van beverout jan f_ jans f_ philips willem van + den aberle Michiel de deken ende jan f_ jans f_ wouters . schepene vpt ambocht van oorscamp in dien tiden dat dese dinghen voor ons waren ghedaen doen te wetene allen den ghonen die desen tshaertere sullen zien jof horen lesen dat cam voor ons als voor schepenen jan de nayere poortere . in . brugghe . ghaf halm ende wettelike ghifte lauwerse van + den velde te broeder jans van ghistele bouf broeder ten beggaerden in brugghe . van viue linen ende neghen ende sestich roeden lands lettel meer jof min ligghende bin + den ambochte ende in + de prochie van oorscamp an + de oostside van + der leye van welken lande dats leghet vier linen ende drie ende vichtich roeden lands lettel meer jof min vp den helsmoorter tusschen lamsins pols lande an + de een side ende grielen der weduwen wouters conincs lande an + de ander side Ende voerd so leghets van desen voorseiden lande . een . line ende sestiene roeden lands lettel meer jof min tusschen mijns heren here boudins van + der woestine lande af een side ende jans blawers lande af ander side Ende jan de nayere poortere in brugghe voorseid wedde lauwerse van + den velde te broeder jans van ghistele bouf voorseid dit voorseide land ligghende ten ?eden voorseid te wetten te waerne ende te warenderne vry land ende qwite land met sire rechter landsculd te broeder jans van ghistele voorseid vryen Eghendomme jeghen elken meinsche sonder fute ende Enich Malengien . Jn kennessen der wareden hebben wie schepene voerseide desen tshaert_e beseghelt met onsen zeghelen huithanghende Dit was ghedaen int jaer ons heren als men screef dusentich drie hondert achte ende sestich vp den tiensten dach van october