Corpus Van Reenen-Mulder (CRM14): Oorkonde H536r36802

Jan de stier / willem van praet / heinric de blote / Symon bastin / Ende pieter cauwe / wij scepen_ in den dam doen te wetene allen lieden . dat camen voor ons als voor scepen_ . der willem scapinhaerst ende ver + lisebette zijn wijf . ende gauen halm ende wettelike ghifte . lamsine van ghisen speyhoud_e van der stede van brugghe ende ter voors_ stede bouf van eenen huus land ende met al datter toe behort staende ten da_me bi + der oostspeye . tusschen der stede husen van brugghe voors_ an beeden ziden . Ende der willem scapinhaerst ende ver + lisebette sijn wijf voors_ . wedden ende beloofden lamsine van ghisen voors_ ter voors_ stede bouf van brugghe tvoors_ huus land met al datter toe behort te warandeerne ende te + wetten te waerne jeghen elken meinsche . met vier pond paris_ aerueliker Renten siaers gaende vte den vors_ huus . land met al datter toe behort ghelijc dat voorseid es ver~cocht was ende ghegheuen . Om_e acht pond grot_ torn_ . wan of dat der willem scapinhaerst ende ver + lisebette zijn wijf voors_ hem voor ons wel vernoucht ende ghepait hilden . jn kennessen der waerheden hebben wij scepen_ voors_ dese l_re bezeghelt met onsen zeghelen vuthanghende . dit was ghedaen vp den zesse ende twintichsten dach van decembre . jnt jaer ons he_en als + men screef . M . + ccc . + achte ende sestich -