Corpus Van Reenen-Mulder (CRM14): Oorkonde H536r37401

Jan f_ clais riduuts vrilaet gaf wettelike . ghifte . wouter f_ wouters ghenekins vrilaet van tween linen ende dartich roeden lands lettel min iof meer met al den bomen diere vp staen licghende ende staende al voorseid bin + den ambochte van audenburch ende bin + der prochie van anekinwerue west van + der kerke . . westwaerd ouer de waterganc streckende zuud ende noord tusschen ? f_ clais riduuts voorseid lande af een zide tusschen wouter f_ wouters ghenekins voorseid lande af ander zide licghende west van + der ?oofstede . daer wouter voors_ nv ten tiden woend . Ende jan f_ clais riduuts voorseid . wedde wouter f_ wouters ghenekins voorseid . al dit voors_ land metten . bomen voorseid te wetten te warendeerne . wech ende land vri land quite land (onleesbaar) zesse ?leghen ende drie peneghen parisisen aerueliker renten tsiaers (onleesbaar) van + desen voors_ lande te scouden gheldende te wouter f_ wouters ghenekins voors_ vrien eghindome jeghen . elken mensche zonder fute ende malengien Dit kennen scepenen van den vrien jan boyie jan van + den berghe jan bernaerd . jan f_ jans f_ willems jan van stijtuelt heinric moenac jan brantin . louis van + der groede ende jan Callaerd / Dit was . ghedaen vpten twalefsten dach van wedemaent jnt jaer ons heren als men screef zijn jnCarnacioen dusentich drie + hondert viere ende tseuentich - - -