Corpus Van Reenen-Mulder (CRM14): Oorkonde H536r37402

Victor van der praet Ende maroye sijn wijf ghauen wettelike ghifte lauwereins van der betse vrylaet van twalef ymeten lands lettel meer iof mijn met haren rechten avenante Ende gheburdichen dele van allen den huzinghen ende bomen di_e vp staen ende der toe behoren . Ende voerd daer toe van den zestendele van ander + half vierendele van Ere muelne . met al + datter aerduast ende nagheluast an + es ende met al + datter toe + behoerd . licghende ende staende al + vors_ in dm_sen ambochten prochyien ende steden als hier + naer bescreuen staet . daer of so leghets bin + den ambochte staue_linx ende bin + der prochyie van leffinghe noerdwest van der kerke drie ende zeuentich roeden lands lettel meer iof mijn met + haren rechten avenante ende gheburdichen dele van den huzinghen ende bomen vors_ in de hofstede daer diederic van den dyke wylen woende . voerd so leghets zeuen linen lands lettel meer iof mijn tusschen willem f_ jans diedericx lande vors_ af ander side . voerd so leghets vier line_ lands . lettel meer iof mijn in een stic van zeuen linen lands lettel meer iof mijn ymene met maroyen f_ willem trypelaers . streckende metten noerd~ende vpten wech . voerd so leghets twee linen ende zeuen ende zeuentich roeden lands lettel meer iof mijn neffens der hofstede die wylen was bouden godebrechts streckende metten noerd~ende an + den wech . voerd so leghets binne mijns h_e woutermans ambochte ende bin + der prochyie van sinte katelinen . een ymet ende achte ende virtich roeden lands lettel meer iof mijn tusschen der kind_e gillis f_ boudens lande af een side . Ende willem f_ jans diedericx lande af ander side voerd so leghets ander + half ymet lands lettel meer iof mijn tusschen arnoud plateels lande af een side Ende lauwereins bets lande af ander side . voerd so leghets vier linen ende vier roeden lands lettel meer iof mijn in de ? tusschen willem vlieghes lande af een side . Ende der kind_e clays volkiers lande af ander side . voerd so leghets vichtich roeden lands . lettel meer iof mijn in zeuen linen lands lettel meer iof mijn streckende neffens der zilingher hoofdende vp buzekens brugghen . voerd so leghets een ymet lands lettel meer iof mijn tusschen jans hame_s lande an + bede siden Ende voerd tvors_ zestendeel . van den ander + haluen vierendele . van der vors_ muelne staende int ambocht ende in de prochyie vors_ dewelke vors_ ghehele muelne wylen was diedericx van den dyke . Ende victor van der praet Ende maroye sijn wijf vors_ wedden lauwereins van der betse vors_ al + dat vors_ land metten huzinghen ende bomen ende muelne jnt ghelike dat vors_ es te wetten te waerne wech ende land vry land quite land met sinen rechten landweghen die toebehoren . En_ voerd met si_e rechter aerueliker landscult ende rente di_e jaerlijcx vte ghaed te lauwereins vors_ vryen Eghindo_me jeghen elken mensche . al + zonder Enighe fute ende malengyen . Dit kennen Scepenen van den vryen . mijn h_e ywein van varsenare . mijn h_e nicasys die mol rudde_s . Steuen van der praet . jan van den berghe . jan van heyle bertolmeus de hurt_e . Ende clays baelge . dit was ghedaen tsaterdaghes . naer sinte piet_s dach mids~zome_s . als men screef Ons h_en jaer dusentich + . drie hondert + . vi_e ende zeventich - - -